O Grupo Municipal do Partido Popular de Burela denuncia «constantes incumprimentos dos acordos plenarios e da normativa vixente» por parte da alcaldesa e o goberno local. Os concelleiros populares critican a «incapacidade» da rexedora para aprobar orzamentos municipais e sinalan que, en tres anos, só se aprobou un.
O PP asegura que o goberno incumpre a lei ao non publicitar debidamente o último pleno extraordinario, a pesar de que esta publicidade foi aprobada previamente en pleno a iniciativa dos populares. Ademais, lamentan que á voceira popular se lle impedise «tomar a palabra por alusións», o que lle impediu responder a certas cuestións durante a sesión.
Os populares acusan á alcaldesa de gobernar a base de suplementos e transferencias de crédito e afirman que un goberno que non é quen de aprobar os orzamentos «ten un serio problema». «A señora López Moreno non para de imitar os desmáns e as formas de gobernar do señor Pedro Sánchez», conclúen.
