As delegacións de alumnado das escolas de Industriais, Teleco, Minas e Enerxía, xunto coas facultades de Bioloxía, Filoloxía e Tradución, Ciencias Empresariais e Económicas e Comercio, impulsaron este Nadal unha campaña de recollida solidaria en estreita colaboración coa Federación de Asociacións Veciñais de Vigo (FAVigo).
A través de puntos de recollida situados en cada centro, a comunidade universitaria mobilizouse para doar material escolar, roupa, xoguetes e material de robótica. Estes xestos reflicten o compromiso social do estudantado e demostran que a cooperación colectiva é a ferramenta máis eficaz para xerar un impacto positivo na contorna.
Grazas ao esforzo do alumnado voluntario, esta iniciativa non só logrou mellorar as festas de moitas familias viguesas, senón que serviu para reforzar os lazos de unión entre as delegacións do campus e consolidar as vías de colaboración con organismos sociais alleos á institución académica.
