O Comité Provincial do PSdeG-PSOE de Lugo reuniuse este sábado en sesión extraordinaria para abordar a proposta formulada pola Comisión Xestora do partido e ratificou a súa decisión de propoñer á deputada provincial María del Carmen López Moreno como candidata socialista á Presidencia da Deputación de Lugo.
Durante a sesión, o Comité Provincial como xa o anunciou de madrugada 21noticias, ratificou a proposta por aclamación, de conformidade cos estatutos e cos procedementos internos establecidos polo partido.
O acordo adoptado será agora remitido á Comisión Nacional de listas, que emitirá informe e reenviará á Comisión Federal de Listas para a súa aprobación definitiva, de acordo coas normas internas de elaboración e validación de candidaturas do PSOE.
A proposta definitiva será tomada pola Comisión Executiva Federal e remitida ao PSdeG-PSOE de Lugo para a súa aplicación de cara ao pleno do vindeiro 14 de xaneiro de 2026.
