Lugo precisa serenidade, responsabilidade e traballo útil. E iso é o que imos seguir facendo tamén no pleno ordinario deste xoves: nós falaremos dos problemas da cidadanía e proporemos solucións mentres outros se dedican a facer ruído
No Pleno ordinario do mes de Abril presentamos 4 PROPOSICIÓNS PARA:
Impulsar á Semana Santa de Lugo
Pediremos o apoio da corporación para solicitar a declaración de Festa de Interese Turístico Nacional.
Solucionar o mal estado do “leiraparking” do HULA
Propoñemos asfaltar este espazo para rematar coas fochancas e mellorar as condicións de uso. Esta actuación xa se puido ter feito hai tres anos, xa que en canto se aprobou o 5% do PXOM se daba luz verde a intervir neste punto con materiais que non se permitían antes por considerarse solo rústico.
Poñer en valor o Parque Marcos Cela
Defendemos unha actuación urxente neste espazo con gran potencial, hoxe en estado de abandono que dá pena velo nalgúns puntos. Dende o PP consideramos que antes de anunciar novos parques, é necesario coidar e manter os que xa temos.
Mellorar a mobilidade e seguridade entre o barrio da Ponte e o cemiterio de San Froilán.
Propoñemos a construción dunha beirarrúa segura. Esta actuación melloraría esta entrada a Lugo pola coñecida como estrada vella de Santiago. Tamén reclamamos en que se leven a cabo actuacións urxentes na Ponte Romana, que levan tempo sen ningún tipo de mantemento nin iluminación.
Con respecto aos 4 ROGOS que presentamos está dar cumprimento ao acordo plenario de marzo de 2024 sobre a necesidade de estudar a aprobación dun convenio propio para o persoal de limpeza; dar participación ao pequeño comercio na toma de decisión reunindo a Mesa Local de Comercio; reparación pista da Agra da Granxa en Benade así como mellora da sinalización turística.
E xa por último 4 PREGUNTAS PARA SOBRE cuestións como, por exemplo, o estado da negociación polos terrenos necesarios para a construcción do centro de saúde do Sagrado Corazón, a situación do campo de fútbol da Cheda ou os motivos polos que non avanza o cumplimento de acordos plenarios de xaneiro do ano pasado, sobre o convenio co colexio de xestores administrativos, así como a cantidade de reclamacións de responsabilidade patrimonial que se presentaron por caídas con motivo do mal estado do pavimento que se ven de colocar na peonalización do centro.
