A vicerreitora do Campus de Ferrol e Responsabilidade Social, Ana Ares, recibiu, este mércores, no Salón de Actos Concepción Arenal do Campus Industrial de Ferrol, ao persoal docente, investigador e de administración e servizos procedente de Albania, Alemaña, Armenia, Austria, Bosnia Herzegobina, Camboxa, Croacia, República Checa, Francia, Hungría, Italia, Moldavia, Montenegro, Mozambique, Palestina, Portugal, Romanía, Turquía, Ucraína e de Xeorxia que está a participar na UDC International Staff Week2026.
Ao longo da mañá, as 34 persoas participantes nesta International Staff Weekachegaranse ata o Centro de Investigación en Tecnoloxías Navais e Industriais (CITENI) onde poderán visitar o Laboratorio de Enxeñaría Mecánica, de Mecánica de Fluídos, o de Aplicacións Industriais do Láser, o de Polímeros, o de Propiedades Térmicas e Reolóxicas de Materiais e o Canal de Ensaios Hidrodinámicos. Xa pola tarde, está previsto que se acheguen ata o Mirador de Monte Ventoso, situado en Doniños, e que coñezan a praia de San Jorge.
