O Concello de Lugo xa ten plenamente operativos os tótems dixitais instalados na rede museística municipal e no Vello Cárcere. Esta iniciativa busca facilitar aos visitantes un acceso máis sinxelo, interactivo e completo á información turística e cultural da cidade.
O concelleiro de Turismo e Museos, Agustín Gallego, e a concelleira de Dinamización Económica, Cristina Sanz, comprobaron o funcionamento destes dispositivos e destacaron as novas posibilidades que ofrecen aos usuarios.
Onde están situados?
Os tótems atópanse nos principais espazos culturais da cidade:
- Museo Arqueolóxico de San Roque
- Museo Interactivo da Historia de Lugo (MIHL)
- Sala Porta Miñá
- Centro de Interpretación da Muralla
- Casa dos Mosaicos
- O Vello Cárcere
Información a golpe de clic
A través dunha pantalla táctil, os usuarios poden consultar horarios, localizacións e redes sociais dos museos, así como navegar por museoslugo.gal. Tamén permite ver vídeos sobre o patrimonio lucense e descargar contidos clave: rutas turísticas, o Camiño Primitivo, as ventás arqueolóxicas ou o plano da cidade.
Ademais, os tótems integran a axenda cultural de Lugo, permitindo que tanto turistas como veciños estean ao día de todas as actividades do municipio. «Estas ferramentas fan máis accesible a información, melloran a experiencia de quen visita Lugo e dan maior visibilidade ao noso patrimonio». Comentou Agustín Gallego, concelleiro de Turismo e Museos.
Pola súa banda, Cristina Sanz sinalou que esta tecnoloxía «supón un paso máis na modernización dos servizos municipais e na aposta por un turismo de calidade baseado na innovación».
