Con respecto a información de 21noticias sobre a cota das mariscadoras de Cabana de Bergantiños, a presidenta da Asociación de Mariscadores do Río Anllóns, Inés García, informa de que, a cota actual de berberecho é de 25 kg por mariscadora/or e día. Sobre a cota de 50 kg, de berberechos por mariscadora/or o día, manifesta, «esa información do B.O.E., sobre a cota extraordinaria de 50 kg, só en casos puntuais, non é correcta».
Sobre a extracción de ameixa, Inés García manifesta que non se extrae ningunha variedade de ameixa pola súa escasez e indica que, eles mesmos baixan a cota de berberecho por propia iniciativa, se baixa a produción.