O Salón de Actos Concepción Arenal do Campus Industrial de Ferrol acolle, os días 7 e 8 de marzo, as xornadas sobre O Papel dos Expertos: Asesores Científicos e Xestión Pública que organiza o Centro de Investigación en Filosofía da Ciencia e da Tecnoloxía (CIFCYT) da Universidade da Coruña en colaboración coa Sociedade de Lóxica, Metodoloxía e Filosofía da Ciencia en España
Entre os relatores convidados figuran o catedrático de Filosofía na Universidade de Bielefeld (Alemaña), Martin Carrier; o catedrático de Filosofía, Lóxica e Método Científico da London School of Economics (Reino Unido), Richard Bradley; a catedrática de Ética Médica no Weill Cornell Medicine de New York (Estados Unidos), Inmaculada de Melo Martín; o catedrático emérito de Lóxica e Filosofía da Ciencia na Universidade Autónoma de Madrid (España), Javier Ordóñez, e a catedrática emérita de Lóxica e Filosofía da Ciencia da Universidade Autónoma de Barcelona (España), Anna Estany.
As persoas interesadas en participar neste congreso que se enmarca dentro das XXIX Xornadas de Filosofía e Metodoloxía Actual da Ciencia terán que enviar un correo electrónico cos seus datos persoais a jornadas.filosofia.ciencia@udc.es ou ben chamar ao 881 01 3814 antes das 14:00 horas do venres 23 de febreiro. O prezo da matrícula oscila entre os 40 e os 70 euros dependendo de se a persoa inscrita pertence á comunidade universitaria ou ao ámbito profesional.
Programa das xornadas sobre O Papel dos Expertos: Asesores Científicos e Xestión Pública
Inscrición nas xornadas sobre O Papel dos Expertos: Asesores Científicos e Xestión Pública
Máis información: https://cifcyt.udc.es/
Foto portada: O catedrático da Facultade de Humanidades e Documentación, Wenceslao J. González, coordina as xornadas “O Papel dos Expertos: Asesores Científicos e Xestión Pública” que terán lugar, os días 7 e 8 de marzo, no Salón de Actos Concepción Arenal do Campus Industrial de Ferrol