O Bloque Nacionalista Galego na Comarca de Lugo celebrou hoxe na localidade de Parga a súa tradicional Festa da Patria, na que máis de 100 militantes e simpatizantes da organización reuníronse nun xantar de irmandade. Ademais, contou con diversas actuacións de música tradicional.
Este acto lúdico e reivindicativo enmárcase dentro dos diversos actos previos á celebración do 25 de xullo, Día da Patria Galega, que desenvolve a fronte patriótica por todo o País.
O evento deu comezo coa parte política, na que tivo a palabra a deputada do BNG no Parlamento Galego, Ariadna Fernández, a concelleira do BNG en Parga, Mónica Roca.
Ariadna Fernández declarou «somos unha nación, orgullosas e orgullosos de ser un pobo traballador que ten moitísima historia tras de si, pero, sobre todo, que ten moitísimo futuro por gañar»
A deputada no Parlamento subliñou «o BNG traballa cun único obxectivo: defender os intereses do País para mellorar a vida dos galegos e das galegas» Fernández destacou que este ano a campaña do BNG para o día da Patria desenvolvese nun contexto de «declive económico» e cunha ofensiva de espolio dos nosos recursos, especialmente o espolio eólico así como a destrucción do río Ulla coa macrocelulosa que Altri e o PP queren implantar en Palas de Rei». Todo iso son exemplo das agresión que o goberno do PP esta cometendo no país e máis en concreto nesta comarca, cunhas multinacionais que veñen esquimar os nosos recursos «por encima das galegas e galegos que vivimos por, para e no territorio» criticou
De igual xeito,Ariadna Fernández chamou a unha gran mobilización para encher as rúas de Santiago neste 25 de xullo, día de celebración e reinvicación «do mellor momento do Bloque» porque todas temos o desexo dunha Galiza «viva, forte, xusta e con futuro»