A voceira do Grupo Municipal Elena Candia e o concelleiro de urbanismo Ramón Cabarcos explicaron en rolda de prensa unha batería de propostas “consensuadas coa veciñanza e colectivos lucenses” para mellorar os proxectos de peonalización do centro”
• Os populares, que compareceron en rolda de prensa nun dos lugares onde está prevista unha das tres actuacións financiadas con fondos europeos, explicaron a iniciativa que presentarán no pleno de xullo con varios documentos gráficos onde se detallan os cambios que solicitan
• Son propostas que supoñen “unhas mínimas modificacións, que non van incrementar prazos de execución, nin o custo de adxudicación xa que en ningún caso suporán un modificado de proxecto e que pivotan sobre dous eixos: conservar as superficies axardinadas e os elementos asociados á memoria histórica de espazos que teñen vida propia”
• As achegas que se presentan son froito do consenso logo de manter nos últimos días reunións con entidades como a Plataforma zona centro; ADEGA, Asociación de Repartidores ou Asociación Provincial de Hostalería e Lugo Monumental .
