As Xuventudes Socialistas fixeron un reparto da súa campaña “Repetimos?” en Vilagarcía de Arousa contrastando os “paquetes de medidas” do Presidente do Goberno e o do Sr. Feijóo
As Xuventudes Socialistas de Galicia (XSG) fixeron un reparto da súa campaña “Repetimos?” en Vilagarcía de Arousa contrastando os “paquetes de medidas” do Presidente do Goberno e o do Sr. Feijóo, acompañados do Alcalde, Alberto Varela, e outros membros da corporación municipal.
Iago Carril, candidato S2 do Senado e de XSG, reivindicou o poder da mocidade que “ten na súa man decidir un goberno de progreso, que loite pola nosa sanidade, pola nosa educación, fronte aqueles que negan ata a violencia machista”.
Xurxo Doval, secretario xeral, comparou dous modelos de entender a política “o noso que defende o social, que a mocidade poida acceder á vivenda e ao transporte público; fronte o de Feijóo que non promovía vivenda e protexía a Monbus”.
O líder mozo reivindicou que “o paquete de medidas de Pedro Sánchez en Vilagarcía plasmouse en apoiar o tren gratuíto, mentres o paquete de Feijóo era o de promover as planeadoras”.