Venceron na final a Sporting Laracha por 1-0
Paiosaco Veteranos proclamouse campión da 36ª edición do Campionato de Peñas de Fútbol “Concello da Laracha” tras vencer na final por 1-0 a Sporting Laracha no encontro disputado o pasado sábado no Campo Municipal da Laracha.
A primeira metade foi moi igualada, cos dos conxuntos mostrándose sólidos en defensa e sen crear ocasións claras de gol.
O marcador estrearíase ao comezo da segunda metade, cando Bruno finalizou con acerto un pase de “Papá” para facer o único tanto do encontro.
Coa obriga de buscar o empate, Sporting Laracha arriscou na última media hora e xerou perigo principalmente con balóns colgados á área. Mesmo celebraron un tanto de Lou de cabeza que foi anulado por fóra de xogo.
Nos últimos minutos Paiosaco Veteranos, aproveitando o cansazo de Sporting Laracha, tamén puido pechar o partido ao contraataque con outro gol invalidado polo colexiado e un man a man que Rama non foi quen de materializar.
Os trofeos foron entregados polo alcalde, José Manuel López Varela, e a concelleira de Deportes, Patricia Bello.
Ficha Técnica:
PAIOSACO VETERANOS:
Equipo inicial: Edu; Diego, Breo, Yoryo, Cabezas; Bruno, Otero, Cachi; Rama, Jorge e Dani.
Tamén xogaron: O Muro, David, Chucho “Papá”, Richo, Manu, Bosquis e Killo.
Adestradores: Kasul e Chicho.
SPORTING LARACHA:
Equipo inicial: Michael; Borrallo, Óscar, Pichín, Cantudo; Lou, Jaime, Serrano, Raúl, Josecho; Germán.
Tamén xogaron: Oswaldo, Fran, Rober, Eloy, Pardi, Diego, Pedro, Pistas, Santi e Carlos.
Adestrador: Tonio dos Muíños.
Gol. 1-0 (Bruno, minuto 58)
