A directora do Igape, Covadonga Toca, mantivo un encontro coa Cónsul Xeral de Cuba en Galicia, Ingrid Izquierdo, no que se puxo de manifesto a necesidade de seguir apostando pola colaboración institucional para fortalecer as relacións empresariais entre Galicia e Cuba.
A reunión tamén serviu para dar a coñecer a celebración dunha nova edición da Feira Internacional da Habana, o próximo mes de novembro, co obxectivo de recabar o posible interese de empresas galegas en asistir á mesma e que estas, á súa vez, poidan intensificar a súa presenza comercial na illa.