– O Presidente, José Tomé Roca, asinou co Alcalde, Roi Rigueira, un convenio de colaboración que permitirá á entidade local renovar e reforzar a maquinaria do servizo de recollida, que atende ás 27 parroquias do municipio
– O mandatario provincial subliñou o “importante esforzo da Deputación para cooperar cos concellos con medidas coma esta, e que poidan prestar así máis e mellores servizos aos seus veciños e veciñas”
– O rexedor valorou este acordo porque lle permite ao Concello comezar a contar con novos equipamentos municipais, pois ten vehículos obsoletos que “lastran o avance do noso municipio xa que teñen avarías que son moi custosas”