José Tomé Roca subliña que este programa supón transferirlles aos 67 concellos da provincia aproximadamente o 20% dos Orzamentos provinciais, seguindo criterios públicos e obxectivos -como son a superficie, a poboación, o índice de envellecemento e a dispersión territorial-, e cun respecto total á autonomía municipal
– Por cuarto ano consecutivo, o Executivo provincial saca adiante o plan de investimentos no exercicio anterior ao seu período de vixencia, o que permite aos concellos planificar as accións con maior antelación e traballar con máis previsión e tempo, de forma que poden aproveitar mellor os fondos
– O programa, que se publicará no BOP o día 8 de xaneiro, pasa a chamarse Plan Deputación co obxectivo de que a veciñanza identifique, dun xeito claro e visual, as obras e servizos que financia a institución provincial