O presidente da Deputación de Ourense, Luis Menor, recibiu hoxe no Pazo Provincial ao presidente da Asociación de Persoas con Discapacidade de Ourense (ADO), Manuel Tejada, para coñecer en primeira persoa as necesidades desta entidade á que o presidente provincial agradeceu o “gran labor diario que levan a cabo coas persoas con especial dificultade”.
Luis Menor comprometeuse a reforzar a liña de colaboración que existe entre a institución provincial e a Asociación de Persoas con Discapacidade de Ourense para “axudar ás familias ourensás e aos propios usuarios para que sexan debidamente atendidos”.
Pola súa parte, Manuel Tejada agradeceu o apoio da institución provincial ás demandas desta asociacións que actualmente atende ao redor de 40 usuarios de todas as idades.