A Deputación de Lugo activará esta tarde, a partir das 18:00 horas, un dispositivo especial na rede viaria provincial ante a alerta amarela por nevaradas e fortes ventos para as vindeiras horas.
çA institución provincial traballará para manter as estradas e as vías limpas de neve e xeo e sen obstáculos, dando resposta ás necesidades dos municipios. Para iso, estarán despregados todos os recursos necesarios, tanto materiais coma humanos, nas 8 zonas nas que está dividida a rede de estradas.