Recortes Cero realizou varios actos esta semana para presentar a súa alternativa ás Eleccións Europeas, reuníndose ao mesmo tempo con distintas organizacións, como o Sindicato de Técnicos de Facenda, no marco da elaboración do programa que se someterá a votación nas primarias que a organización celebrará en abril
Recortes Cero puxo especial fincapé na situación económica que atravesa o país e no modelo de desenvolvemento, que debe ser “xusto”, no que o custo e o esforzo dos procesos de transición ecolóxica ou enerxética recaia sobre quen concentra a maior parte da riqueza, “e non sobre as pemes ou quen cobra salarios baixos e pagan alugueiros altos”.
Nas súas conversacións co Sindicato de Técnicos de Facenda, GESTHA, abordaron distintos temas, como ‘os axustes fiscais que xa anunciou que vai impoñer Bruxelas’, a corrupción, a redistribución salarial ou os cambios que serían necesarios para que os ricos paguen impostos en España. Nos últimos días, Carlos Cruzado e José María Mollinedo, presidente e secretario xeral de GESTHA publicaron ‘Os ricos non pagan IRPF’.
Para Nuria Suárez, portavoz de Recortes Cero, “é certo que existen unha enorme cantidade de mecanismos polos cales as grandes fortunas eluden ou evaden impostos, de forma que son as pemes e a maioría de traballadoras e traballadores quen os pagamos”, pero para Nuria Suárez o maior problema é “o auténtico atraco que vimos sufrindo por parte dunha ínfima minoría de bancos e monopolios que non xeran riqueza para o país, e que con todo obtiveron beneficios récord”.
A portavoz de Recortes Cero explicou que “as subidas de tipos do BCE traducíronse en salvaxes incrementos de hipotecas e préstamos, pagando dende 300 a 600 euros máis ao mes de media, por non falar dos intereses que se está pagando polos préstamos”. Con todo, e por contraposición, “o Goberno xa se comprometeu con Bruxelas a reducir a porcentaxe do PIB destinado a sanidade, educación e protección social ata o 2026”.
Segundo Nuria Suárez, “os ricos non pagan IRPF, pero os bancos están a perpetrar un auténtico atraco que sufrimos desde as pemes ás traballadoras”. “Non é unha esaxeración, é un feito comprobable porque os números están diante, logo cada un elixe que facer, e Recortes Cero aposta por redistribuír a riqueza”.