PLAN MELLORA ACCESOS LUGO
Conseguimos UNANIMIDADE da corporación para desenvolver un PLAN DE MELLORA DE ACCESOS A LUGO en coordinación coas administracións titulares de cada vía.
Tal e como están agora moitas das entradas ofrecen unha mala imaxe aos viaxeiros ademais de ser inseguras xa que “falta iluminación, mantemento do firme, limpeza en profundidade nalgunhas infraestruturas como a ponte branca así como renovar e mellorar a sinalización”
Resulta chamativa que a intervención da alcaldesa certifique o que pensan moitos lucenses a falta de ambición de Paula Alvarellos xa que presumiu como se fose un logro invitar ao Ministro de Fomento a que visite Lugo.
As visitas deben vir con compromisos e financiamento. Os deberes xa os ten riba da mesa
RESERVA PRAZAS DE APARCADOIRO FARMACIAS
PSOE e BNG apoian a proposición para estudar a través do gabinete de tráfico a proposta consensuada co Colexio de Farmacéuticos para reservar prazas de aparcadoiro nas inmediacións das farmacias.
Esta petición facilitará á cidadanía a compra de medicamentos de forma rápida solucionando as dificultades de estacionamento que hai en certas zonas da cidade para acceder a dito servizo.
CONTIDO E PROGRAMACIÓN ESTABLE NO PACO MARTÍN
O PSOE afirma que o centro interxeneracional Paco Martín do barrio da Piringalla se AUTOXESTIONA polas persoas que queiran entrar no edificio e facer o que lles interese para socializar.
Así xustifican que teñan aberto outro edificio sen uso da colección inmobiliaria municipal.
Os socialistas manteñen que o Paco Martín non é un centro convencional e votaron en contra de que teña CONTIDO E PROGRAMACIÓN estable.
SOLUCIÓNS DE MOBILIDADE E ESTACIONAMENTO
Socialistas e nacionalistas votan en contra de crear unha rede de aparcadoiros en altura en distintos puntos da cidade.
Seguen sen aceptar que faltan zonas para aparcar e negan que existan problemas de mobilidade en Lugo demostrando que viven de costas á cidadanía.
