O delegado territorial da Xunta, Javier Arias, sumouse a esta acción enmarcada no proxecto de envellecemento activo Grazas A-Vós, impulsado pola Fundación Breogán coa colaboración da Administración autonómica.
Dentro deste programa, as residencias públicas da Xunta na Milagrosa e As Gándaras acollen dúas veces por semana actividades para mellorar o benestar físico e mental dos participantes. Tamén reciben visitas de xogadores do club e entradas para presenciar os partidos que se disputan no Pazo dos Deportes. Ademais das actividades habituais, para o 27 de maio está prevista nas Gándaras unha charla da Fundación Clínica Solidaria Lugo sobre a hixiene bucodental en persoas maiores.