Os bombeiros do Parque Comarcal de Carballo foron alertados sobre unha colisión entre dous vehículos no punto quilométrico 3,5 da estrada DP-1914 ao seu paso polo lugar de Ardaña na parroquia carballesa de Rus.
A inicidencia foi producida por un impacto frontolateral entre dous vehículos, no que unicamente viaxaban os condutores. Non houbo que lamentar vítimas e os ocupantes non precisaron ser liberados dos automóbiles.
Unha vez trasladado á ambulancia un dos implicados, os bombeiros procederon á limpeza da vía.
Completaron o operativo os corpos da Garda Civil de Carballo, Garda Civil de Tráfico da Coruña, 061 e voluntarios de Protección Civil de Carballo.