A Deputación asiste ao 50 aniversario do Real Club Náutico de Ribadeo 

A Deputada de Economía, Recadación, Facenda e Especial de Contas, Carmela López Moreno, participou este martes no Cine Teatro de Ribadeo dentro dos actos conmemorativos do 50 aniversario do Real Club Náutico desta localidade. Durante o evento realizouse un recoñecemento aos integrantes das anteriores xuntas directivas, así como aos socios máis antigos do Club. Esta entidade, que se fundou o 22 de agosto de 1974, naceu co obxectivo de fomentar a práctica deportiva e a día de hoxe conta con preto de 1.000 socios.