O curso, que se celebrará o próximo 28 de setembro, contempla unha saída ao río para a recollida e estudo de invertebrados bioindicadores
O Proxecto Ríos, iniciativa de ADEGA, promove un curso de formación para persoas interesadas no coñecemento e coidado dos nosos ríos. Terá lugar no IES de Soutomaior o sábado 28 de setembro desde as 10:00 ata as 14:00 horas.
Nesta xornada coñeceremos a aplicación do Proxecto Ríos como proxecto de aprendizaxe nos centros de ensino. Faremos tamén unha recollida e identificación de macroinvertebrados bioindicadores dos cursos fluviais, empregados polo voluntariado do Proxecto Ríos para determinar a calidade ecolóxica dun río.
O programa será o seguinte:
9:50 h-. Recepción de participantes
10:00 h-. Presentación do Proxecto Ríos e entrega de material. Persoal do Proxecto Ríos
10:30 h-. O Proxecto Ríos como proxecto de aprendizaxe nos centros de ensino. Andrea Vázquez e Susi Veiga, profesoras de Física e Química do IES Pontecaldelas
11:15 h-. Descanso
11:30h-. Saída ao río para recollida de macroinvertebrados
12:30h-. Identificación de macroinvertebrados. Alejandro Polina, entomólogo e investigador do grupo de Bioloxía ambiental da Universidade de Vigo
14:00h-. Peche do curso
O curso é gratuíto, mais é preciso inscribirse a través do seguinte formulario: https://forms.gle/YKGYbNoHUPbk2rMS8
Proxecto Ríos
O Proxecto Ríos é unha iniciativa de educación e voluntariado ambiental promovida pola organización ecoloxista ADEGA que conta co financiamento de Augas de Galicia a través das axudas para a conservación e a divulgación dos valores naturais dos ecosistemas fluviais. A finalidade do Proxecto Ríos é dar a coñecer o importante papel dos cursos fluviais, amosar as súas problemáticas, así como fomentar iniciativas que permitan á cidadanía o mantemento e a mellora dos ríos mediante as ferramentas que garantan a súa participación. Pódese consultar máis información en www.adega.gal e www.proxectorios.org