Este paso forma parte da sinatura dun convenio interadministrativo de colaboración cos concellos de Monterroso, Guntín, Palas de Rei, Portomarín e Taboada para impulsar a redución do consumo e a factura enerxética.
O convenio inclúe un estudo estratéxico individualizado para o aforro enerxético no Concello de Antas de Ulla e, por outra parte, os seis concellos prevén contratar de forma centralizada e conxunta a subministración de enerxía eléctrica para as dependencias, instalacións e iluminación pública mediante procedemento aberto.
A Alcaldesa explica que “o obxectivo é optimizar os recursos enerxéticos, buscando o aforro e a redución de custos do(subministro eléctrico, é “un paso máis, xa que tamén cambiamos no concello a compañía comercializadora”.
Ademais, o concello debe facer fronte aos 319.000 euros de débeda por impagos herdada do anterior goberno local.
Por un lado, 84.378,24 euros que o concello debe pagar, por sentenza xudicial do 30 de decembro de 2020, por non cumprir os pagos pactados por Naturgy polos impagos do subministro entre os anos 2015 e 2017.
Os outros 234.622,57 euros derivan de impagos entre os anos 2017 e 2023. “Agora, todos os veciños e veciñas debemos pagar esa débeda mentres abonamos todos os meses a actual factura”, remata García Porto.
