O pub Atlántico inaugura o seu ‘Nadal Fest’ o día 24 con diferentes propostas lúdicas con entrada libre
Aperitivos, tardeos, sesións dj e guateques temáticos. É a proposta lúdica do pub Atlántico para as próximas semanas no marco do seu Nadal Fest, que dará comezo o martes 24 de decembro con actividades desde as 13.00 horas.
a
Así, e coincidindo coa Noiteboa, o local da zona vella (Fonte de San Miguel), abrirá as súas portas ao mediodía cunha sesión especial de aperitivo amenizada por dj Peter SéLeK, coñecido selector musical, que se prolongará ata as 17.00 horas, na que tomará o relevo Esteban co seu divertido espectáculo Rompecinturas Selektor, ata as 20.00 horas. Ese mesmo día e tras a cea de Noiteboa, as portas do Atlántico volverán abrirse a medianoite para quen desexe brindar xuntos no emblemático pub, con máis de 36 anos de vida e coñecido pola súa aposta cultural e a súa coctelería de autor.
A entrada, tanto ao aperitivo como o tardeo e a medianoite, será libre.
A programación continuará o sábado 28 de decembro coa pinchada Sons do Gramófono, de Benjamín Vázquez, que comenzará ás 23.00 horas.
FIN DE ANO. A celebración de Fin de Ano comezará ás 13.00 horas, cunha sesión vermú con barra de aperitivos e selección musical a cargo dos djs residentes do local ata as 15.00 horas, para continuar cun tardeo (15.00 a 19.00 horas) ambientado por Dj Mil, un dos djs máis reputados da cidade.
Para rematar, a partir das 00.30 horas, o Atlántico celebrará a benvida do novo ano coa Gran Festa de Aninovo, un guateque ambientado con música dos 80`s, disco, soul e rock seleccionada por dj Pili F., e que promete ser un dos grandes atractivos da axenda festiva compostelá do día. Ademais, os asistentes á Gran Festa de Aninovo poderán gozar dun bono desconto especial en venda anticipada para 3 copas e cotillón, ao prezo de 20 euros, e que poden adquirirse xa no propio local.
