Unión de Cidadáns Independentes traballa en buscar as claves para poder evitar o despoboamento rural do noso país, un tema cada vez máis urxente. As poboacións rurais van perdendo habitantes co paso dos anos. Son maioritariamente os mozos os que se exilian cara a grandes cidades deixando atrás a súa residencia rural habitual. Este problema vai máis aló dunha perda de habitantes en certos pobos ou aldeas, o despoboamento rural afecta tamén á situación ambiental do planeta e á calidade de vida da sociedade.
A tardanza no pago de axudas por parte de Xunta de Galicia, tales como subvencións agroambientais ou de incorporación de mozas e mozos, pon en risco a viabilidade de explotacións.
José Luis Calo, coordinador UCIN Galicia expón unha serie de medidas para evitar o despoboamento rural:
- Propiciar a implantación do teletraballo, tentando tomalo como unha oportunidade.
- É moi boa opción converter territorios rurais que se están despoboando en zonas tranquilas para teletraballadores.
- Ofrecer vantaxes para familias con certo número de fillos, fomentando así a natalidade, que axudaría bastante.
- Crear oportunidades de traballo no ámbito rural, levando a cabo formacións para iso, e novos postos de traballo.
- E promover a diversificación de sectores económicos, construíndo novas empresas con demanda de emprego.
- Fomentar investimentos para acceder a unha vivenda a prezo alcanzable.
- Dar maior importancia ás melloras tecnolóxicas, fomentando novas ideas de negocio, e podéndose comunicar de calquera modo eficazmente.
