A lamprea é un dos símbolos por excelencia do Xeodestino Condado Paradanta. Do Miño ou do Tea, este peixe fai as delicias dos comensais nas súas diferentes preparacións maridando á perfección cos caldos do Condado do Tea da DO Rías Baixas. Pero a lamprea é moito máis que iso, hai todo un mundo ao redor da lamprea.
O GDR Terra e Auga e a Deputación de Pontevedra únense para a posta en marcha do primeiro club de produto da lamprea en Galicia, unha acción enmarcada no “Plan de Sostibilidade Turística en Destino Condado Paradanta, unha terra entre ríos” financiado con Fondos NextGenerationEU a través del Plan de Recuperación, Transformación y Resilencia(PRTR).
O club de produto da lamprea permitirá por en marcha un método de transformación público – privada da lamprea e dos recursos ao seu redor en produtos turísticos que ofrecerán ao visitante e turista experiencias que van máis alá da simple suma de servizos turísticos consumidos.
O stand oficial de Turismo de Galicia no pavillón 9 de IFEMA acollerá a presentación deste club de produto este xoves ás 14:20 h no marco da Feira Internacional de Turismo FITUR. Pablo Castillo como presidente do GDR Terra e Auga, Horacio Gil, como alcalde de Arbo e Nava Castro como deputada de Turismo da Deputación de Pontevedra e alcaldesa de Ponteareas descubrirán ao mundo o primeiro club de produto da lamprea de Galicia.
Na fotografía representantes do sector privado na reunión informativa sobre a constitución do club de produto da lamprea no Salón de Plenos do Concello de Ponteareas
