A edil de Cultura anunciou as primeiras actividades do ciclo de animación á lectura da Biblioteca Municipal
A concelleira de Cultura, Turismo e Promoción da Lingua, Maite Ferreiro, mantivo un encontro coa cantante Lucía Pérez. Ferreiro escoitou a proposta da cantante do Incio e afirmou que «estudaremos a súa proposta para contar con ela na programación cultural do 2025».
Ferreiro anunciou que o MIHL acollerá 6 novas actividades de animación á lectura organizadas pola área de Cultura e dirixidas ás nenas e nenos de Lugo. «Con estas actividades pretendemos achegar ás máis pequenas e pequenos á biblioteca e ao mundo da lectura e dos contos, prestando ademais especial atención ao fomento da igualdade de xénero», explicou Maite Ferreiro.
A área de Cultura utiliza o MIHL para estas actividades, «promocionando tamén esta instalación, as súas exposicións e a súa singularidade», explicou a edil de Cultura, que engadiu «estas actividades contan sempre cunha gran participación por parte do público, achegándose cada ano máis de 800 nenas e nenos nos distintos ciclos de programación».
As actividades de Animación á Lectura e Contacontos divídense en catro trimestres, realizándose unhas 20 actividades ao longo do ano. Cada unha delas, está adaptada para as distintas idades das nenas e nenos participantes, achegando actividades de lecer para nenos desde 1 ano ata os 12 de xeito totalmente gratuíto para as familias.
O novo ciclo terá lugar entre o 27 de febreiro e o 10 de abril. As entradas para os espectáculos poden retirarse de xeito gratuíto a través do portal entradaslugo.es. Cada espectáculo conta cunha cabida de 70 persoas, permitíndose o acompañamento dun adulto.
Xoves, 27 de febreiro ás 18:00 horas no MIHL
TARABELOS: «Amoriños contei»
Idades: a partir de 4 anos
Duración:55 minutos
Selección de contos nos que se agochan historias de amor. Amores esquecidos,
atopados, divertidos, mentireiros, voadores…amoriños contados!
Xoves, 6 de marzo ás 18:00 horas no MIHL
BEA CAMPOS: «Garavanciña»
Idades: de 1 a 3 anos
Duración: 40 minutos
Adaptación teatral do conto clásico na que se lle dá unha volta aos roles
tradicionais pero mantendo a fantasía desta fermosa historia con monicreques,
cancións e narración oral.
Xoves, 20 de marzo ás 18:00 horas no MIHL
TRÉMOLA TEATRO: «Anuncio por palabras»
Idades: a partir de 3 anos
Duración: 45 minutos
Irene atopa no aburrido xornal a sección de anuncios por palabras na que se ofrece
unha chea de traballos. Ela tiña moi claro o que quería ser de maior… ou non tanto!
Xoves, 27 de marzo ás 18:00 horas no MIHL
GALITOON: «O descontacontos»
Idades: a partir de 2 anos
Duración: 35 minutos
O avó Carmelo comeza a contar os contos polo final, esquécese do argumento e
argalla personaxes e cousas inverosímiles. Menos mal que Rús, o seu
inseparable canciño, conseguirá rematar o conto como é debido!
Xoves, 3 de abril ás 18:00 horas no MIHL
BANDULLO AZUL: «Historias dun mundo grande»
Idades: a partir de 5 anos
Duración: 50 minutos
A cadeliña Becki desde a súa biblioteca, onde pasa tanto tempo lendo e escribindo,
cóntanos historias que foi coñecendo nas súas viaxes polo mundo. Historias de
colaboración e solidariedade coas que cantaremos e bailaremos para celebrar o
respecto e a felicidade.
Xoves, 10 de abril ás 18:00 horas no MIHL
TEATRO CALAVERA: «Animaladas»
Idades: a partir de 3 anos
Duración: 80 minutos
A exploradora Jeanne Baret convida ao público a unha misión na selva de Pitiminí
que está chea de misterios e especies por descubrir. Para conseguilo terán que se
internar na natureza salvaxe onde coñecerán fascinantes historias.
