O número de visitantes á Acrópole de Monterrei vai en aumento, anualidade tras anualidade, acadando a cifra de 3344 persoas rexistradas na oficina de turismo de Monterrei na semana de Entroido deste ano 2025.
O computo de visitantes comprende o período dende o Domingo Corredoiro ó Martes de Entroido, tendo especial relevancia o propio domingo Corredoiro e o domingo de Entroido cando a afluencia é maior en número polos grupos que se achegan a visitar e desfrutar do Entroido na comarca e do entroido de Verín.
A actividade da oficina de turismo centralizouse na sala expositiva do Hospital da Trindade, donde os visitantes, ademáis de recibi-la información turística do concello e do castelo de Monterrei, puideron contemplar o traballo de artistas locais coa III Exposición de Entroido en Monterrei, donde artistas da comarca expoñen traballos artísticos, artesanía e mesmo repostería, para deste xeito dar a coñece-la figura do Cigarrón.
Con varias quendas de visitas guiadas ó conxunto de Monterrei, recibiuse a visitantes e grupos organizados chegados de distintos puntos de Galicia e mesmo doutras localidades de España, como grupos de Madrid, Asturias ou de La Rioja. O día con maior afluencia volta a ser o domingo de Entroido, donde se acumulan datos de máis de 1000 persoas pola tarde, unha vez rematado o desfile no Entroido de Verín, o que fai amplia-lo horario de atención no servizo de turismo de Monterrei.
A procedencia dos visitantes neste período foi, principalmente, de Galicia aínda que no ámbito do turismo internacional comentamos a visita de visitantes do Reino Unido, en caravana, dende Estados Unidos, facendo o Camiño de Santiago e mesmo cidadáns ucraínos, interesados e xa coñecedores do viño de Monterrei.
Outra das actividades que tivo grande acollida foi o concurso fotográfico de Entroido en Monterrei. Como en edicións pasadas, os participantes teñen que enviar unha imaxe cun disfraze no entorno da Acrópole de Monterrei. Achegándose moitos dos visitantes, ataviados de múltiples xeitos, para logo participar no actividade do concurso, que tenta que o visitante volte á comarca, ofrecendo ó gañador unha estancia e actividades para coñecer recursos turísticos na mesma. Resultando gañadora do concurso, desta edición a imaxe «Defensora das terras antigas de Monterrey» da rosaleira Maite Silva Álvarez que visitou Monterrei, nestas datas, dende o concello de O Rosal (Pontevedra).
