A Gran Final Nacional da FIRST LEGO LEAGUE reúne este sábado máis de 700 mozos e mozas no Campus Industrial de Ferrol

As presentacións dos Proxectos de Innovación faranse nas aulas da Escola Universitaria de Deseño Industrial (EUDI) e nas da Facultade de Humanidades e Documentación, mentres que o Xogo do Robot se disputará no Pavillón de Esteiro e a entrega de premios terá lugar no Auditorio de Ferrol.

A Universidade da Coruña (UDC) e a Asociación Ingenier@Soy organizan, este sábado 29 de marzo, de 09:00 a 20:30 horas, a GRAN FINAL NACIONAL da FIRST LEGO League no Campus Industrial de Ferrol. Nesta ocasión, participarán un total de 56 equipos da categoría FLL Challenge e máis de 700 mozos e mozas de entre 10 e 16 anos de toda España. O evento, coordinado polo profesor da Escola Politécnica de Enxeñaría de Ferrol (EPEF), José Antonio Becerra Permuy, poderá seguirse en directo a través da canle de YouTube da FIRST LEGO League Galicia.

As presentacións dos Proxectos de Innovación faranse nas aulas da Escola Universitaria de Deseño Industrial (EUDI) e nas da Facultade de Humanidades e Documentación, mentres que o Xogo do Robot se disputará no Pavillón de Esteiro e a entrega de premios terá lugar, en horario de tarde, no Auditorio de Ferrol. Ao igual que na FIRST LEGO League Galicia, o evento conta coa colaboracións de máis de 160 voluntarios e voluntarias, na súa inmensa maioría persoal docente, investigador e alumnado da Universidade da Coruña (UDC).

Os dous equipos que gañen a GRAN FINAL da FIRST Lego Leagueparticiparán no WORLD FESTIVAL FIRST Lego League que terá lugar, no TheGeorge R. Brown Convention Center de Houston (Texas), do 16 ao 19 de abril. A maiores, os equipos de obteñan o primeiro e segundo premio aos Valores FIRST, ao Proxecto de Innovación, ao Deseño do Robot e ao Comportamento do Robot, participarán noutros eventos internacionais chamados OPEN FIRSTLEGO League que terán lugar, entre os meses de maio e xullo, en Grecia, Cidade do Cabo, California, Massachusetts, Florida e en Sídney.

Os gañadores da FIRST LEGO League Galicia que tivo lugar o pasado 22 de febreiro no Campus Industrial de Ferrol, os equipos Captioma Elementals, da Academia Captioma Galicia de Ourense, e o MEGA BUILDER TEAM, do Centro de Formación MEGA Riveira, participarán neste campionato nacional na categoría FLL Challenge para mozos e mozas de entre 10 e 10 anos. 

Con todo, Galicia tamén estará representada polos equipos MONTA e AQUABOTS de Gazapo Xestión de Narón (A Coruña) e Clam Trouleiro do CEIP da Barqueira de Cerdido (A Coruña) na categoría FLL Explorer de 6 a 9 anos. Estes tres últimos equipos non compiten no certame e asisten como convidados ao teren participado nalgunha edición da FIRST LEGO LeagueGalicia.

Que é a FIRST LEGO League?

A FIRST LEGO League é un programa internacional que desafía a mozos emozas de entre 4 e 16 anos, divididos en 3 categorías, a resolver problemas do mundo real como poden ser a reciclaxe, a educación ou as enerxíasrenovables. Mediante a súa resolución, os mozos e mozas desfrutan coa ciencia e a tecnoloxía. Ao mesmo tempo, aprenden valiosas habilidades para o seu futuro profesional e persoal como son o traballo en equipo, a resolución de problemas e a comunicación.

O desafío FIRST LEGO League en España

Desde o ano 2022, a Asociación Ingeniera.Soy é a entidade que impulsa a FIRST LEGO League en España en colaboración co 20% das universidades españolas, parques tecnolóxicos e entidades de promoción da innovación como socios. Ademais, a iniciativa é posible grazas á colaboración de empresas e entidades que achegan aos participantes aos coñecementos e profesións STEAM.

Como funciona a FIRST LEGO League?

Cada temporada, a FIRST LEGO League permitirá aos mozos e mozas ver a ampla gama de oportunidades da industria STEAM botando man da súaexploración como parte de SUBMERGED, un desafío no que utilizarán o pensamento creativo e a tecnoloxía LEGO para explorar as capas do océano e levar as súas aprendizaxes e ideas á superficie mentres navegan cara o futuro. O seu obxectivo final será o de imaxinar e innovar novas formas de crear e comunicar arte en todo o mundo.

Os equipos teñen que resolver este desafío en tres áreas de traballo:

– O Proxecto de Innovación. Un proxecto que explique e detalle a súasolución innovadora como opción de mellora ao problema proposto.

– O Xogo do Robot. O deseño, construción e a programación dun robot LEGO MINDSTORMS Education que terá que superar divertidas misiónsnun taboleiro de xogo relacionado co desafío.

– A integración dos valores FIRST LEGO Mentres os equipos desenvolven o Proxecto Científico e o Xogo do Robot, integran os valores FIRST LEGO League: descubrimento, innovación, impacto, inclusión, colaboración e diversión.

Listaxe GRAN FINAL NACIONAL – Categoría FLL Challenge (de 10 a 16 anos) 

Listaxe GRAN FINAL NACIONAL – Categoría FLL Explorer (de 6 a 9 anos – NON COMPITEN)