Néstor Rego exixe ao executivo atender a reclamación lexítima da veciñanza e facer realidade a recuperación da fachada marítima de Marín para o uso público
O Bloque Nacionalista Galego (BNG) vén de presentar nas Cortes do Estado unha serie de iniciativas encamiñadas a lograr a apertura de Marín ao mar, facilitando a cesión de terreos pertencentes ao Ministerio de Transportes e Mobilidade Sustentábel e ao Ministerio de Defensa ao Concello de Marín para o seu uso público. O deputado do BNG no Congreso, Néstor Rego, demanda a colaboración do Goberno para este ambicioso proxecto municipal que procura a mellora da calidade de vida da veciñanza de Marín e a dotación de máis espazos públicos para a vila.
A proposta reclama ao Goberno do Estado a iniciar a tramitación dos expedientes necesarios para a cesión gratuíta e permanente de terreos da Autoridade Portuaria de Marín e Ría de Pontevedra e da Escola Naval Militar para destinalos a zonas verdes, espazos de esparexemento e actividades náuticas e deportivas. Esta demanda responde á necesidade de acabar cun fechamento urbano que impide o acceso directo da veciñanza ao litoral da vila. Trátase, dunha parte, de terreos portuarios que xa non están afectos a ese uso e, por outro, dunha área da escola que, na actualidade, está completamente infrautilizada, por tanto, é unha oportunidade para dedicar estes espazos a usos públicos e facilitar a apertura ao mar da vila de Marín.
“Demandamos ao Goberno do Estado a cesión ao Concello de Marín dos espazos e bens non afectos á explotación portuaria, segundo o convenio asinado en 2020 e prorrogado en 2024, que inclúe o Paseo da Avenida de Ourense, o Parque Azul, o Paseo Alcalde Blanco e outras infraestruturas clave” sinala Néstor Rego. Así mesmo, continúa explicando, a frente nacionalista reclama a incorporación da dársena de embarcacións menores, a parcela resultante da demolición da nave almacén de Pérez Torres, o edificio da cafetería do Paseo Alcalde Blanco e un inmóbel na Avenida de Ourense para destinalo a centro social.
Por outra parte, Rego exixe a transferencia de edificios e espazos na explanada do antigo Peirao da Ribeira unha vez rematen as actuais concesións, co obxectivo de integrar estes terreos no tecido urbano e poñelos ao servizo da cidadanía. “A cesión, tamén, do terreo da Escola Naval Militar onde se sitúa a pista de atletismo, retirando o valado perimetral para favorecer a apertura ao público, con posibilidades de habilitar un museo municipal e espazos náuticos deportivos” engade Rego.
O deputado do BNG no Congreso subliña que Marín segue a estar illado do seu litoral, con apenas dous accesos ao mar ao longo de 2,3 quilómetros de fronte urbana, e que esta situación non é aceptábel. A cesión dos terreos permitiría a creación dun gran espazo público, melloraría a calidade de vida da veciñanza e dinamizaría economicamente o municipio.
«O noso obxectivo é transformar Marín nunha vila aberta ao mar, onde os espazos portuarios e de defensa se integren no día a día da cidadanía» afirma Néstor Rego. «Non hai razoamento técnico nin estratéxico que xustifique manter estas barreiras urbanísticas» engade.
Néstor Rego debería de leerse muy bien la normativa Europea acerca de la protección portuaria y las normas de la OMI que obliga a aplicar los Códigos ISPS de protección portuaria que aislan al Puerto para protejerse de atentados internacionales (entre otros asuntos)obligándo a mantener cerrados con controles de acceso los espacios portuarios de las Ciudades lo que imposibilita a Marín transformarse en una «vila aberta a o mar» al ser un puerto de interés general semejante a los demás Puertos del Estado .Las razones para mantener esas barreras se deben a la imposición norteamericana implementada en Europa tras el atentado de las Torres Gemelas de N.York asi que estas puestas en escena de los personajes políticos,como el Sr.Rego no van a hacer posible que Marin pueda volver a estar abierto al mar jamás .La cesión gratuita de otros terrenos propiedad del ente público Puertos del Estado es ajeno al proyecto de «abrir Marin a o mar»,que no lograrán mientras la Organización Marítima Internacional y Europa mantengan los Códigos Internacionales de Protección Portuaria impuestos por Estados Unidos ante el temor a los atentados terroristas y que Marín cumple como todos los demás puertos.Recuperar la fachada marítima de Marin para uso público con la legislación internacional existente actualmente es tarea imposible de lograr.