Esta mañá, no Bosque Máxico de Bonxe, o seu promotor (Juan Barreiro) e Guido Guía anunciaron unha actividade conxunta o domingo 25 de maio de 12h00 a 13h00.
A visita ao Bosque Máxico (na parroquia de Bonxe, en Outeiro de Rei) será unha oportunidade de descubrilo de xeito gratuíto (xa que no día a día a entrada é de pago) e ademais acompañados por un guía.
Este espazo natural e fantástico, con infinidade de figuras talladas en madeira, inaugurouse hai xusto un ano, o 11 de maio do 2024, e xusto este mes arranca a súa segunda tempada de visitas. Quen queira visitalo con Guido o 25 de maio deberá inscribirse a través do correo electrónico guidoguiaturismo@gmail.com
