Máis de 70 rapaces e rapazas de entre 6 e 16 anos participaron, do luns 23 ao vernes 27 de xuño e do luns 30 de xuño ao venres 4 de xullo, no Campamento Tecnolóxico de Verán “Misón Salvar a Terra” que promoveu, por segunda vez, Play Code Academy en colaboración co Campus Industrial da Universidade da Coruña (UDC).
Programar drons para reforestar, construír robots recicladores ou deseñar estacións meteorolóxicas intelixentes foron algúns dos retos aos que se enfrontou a rapazada inscrita neste campamento tecnolóxico de verán mentres desenvolveu competencias clave en ámbitos como os da programación, a robótica ou a ciencia.
