Esta mañá o profesor de inglés Brad Hill @the_bradleyhill (de Indiana, Estados Unidos), famoso en Galicia por compartir dende as redes sociais as súas experiencias vivindo e dando clase en varios lugares da provincia de Ourense, compartiu esta mañá un pequeno vídeo na Muralla Romana de Lugo co recoñecido guía e divulgador lucense Guido Guía @guido_guia.
No vídeo ambos pasean arredor do gran monumento da cidade, observan o mural de Xulio César de Diego AS (galardoado como o mellor do mundo no ano 2021) e cítanse para seguir percorrendo e compartindo xuntos curiosidades da capital bimilenaria. Unha interesante colaboración tendo en conta que entre ambos suman dúas grandes audiencias con milleiros de seguidores a ambos lados do Atlántico.
