O pasado sábado, 9 de agosto, o guía turístico lucense Guido Álvarez Parga retomou con gran acollida o seu proxecto «O Lugo menos coñecido», que iniciou en 2019. O primeiro paseo deste ciclo especial, que celebra o seu décimo aniversario como guía, reuniu a 52 persoas chegadas de toda Galicia e de lugares tan distantes como Arxentina, Venezuela, Irlanda, ou diferentes puntos de España.
O percorrido inicial centrouse no barrio do Carme e a súa contorna. A próxima cita será o sábado 23 de agosto coa ruta «A senda do Fervedoira», que explorará os arredores deste coñecido río lucense.
As persoas interesadas en participar poden inscribirse enviando un correo electrónico a guidoguiaturismo@gmail.com. O prezo por persoa é de 8 euros, con un 50% de desconto para menores de 18 anos e gratuidade para nenos e nenas de 0 a 2 anos.
