A deputada de Economía, Recadación, Facenda e Especial de Contas, Carmela López Moreno, asistiu este domingo á XXXIII Festa da Malla de Meira, un evento que este ano, por primeira vez, estende a súa celebración a dous días. A festa, declarada de Interese Turístico Galego hai case dúas décadas, atraeu a milleiros de veciños e visitantes.
Unha homenaxe ás tradicións agrícolas
A programación da festa incluíu unha gran variedade de actividades para todas as idades, todas elas dirixidas a poñer en valor as tradicións agrícolas. Entre as principais atraccións destacaron as demostracións do proceso de malla, unha técnica ancestral para separar o gran da palla.
Ademais, os asistentes puideron gozar de actuacións musicais, xogos infantís e exposicións de maquinaria agrícola antiga e de artesanía, entre outras iniciativas. A Festa da Malla consolídase así como un punto de encontro para celebrar a cultura e as raíces do mundo rural galego.
