Comezo da cuarta temporada do programa do fútbol feminino galego dirixido por Carlos Castro co imprescindible aporte técnico de Xavier Fernández e tendo como convidada a Marta Cascón, futbolista do Victoria da Coruña.
Logo das vacacións tocou falar das moitas cousas acontecidas no verán, como o título de Inglaterra na Eurocopa, a substitución de Montse Tomé por Soni Bermúdez no banco de España, o desacougo de Lia e Carlota no Deportivo, a desaparición do Lugo, as mudanzas no Lóstrego.
A temporada comezou para o Deportivo e o fará esta fin de semana para os tres equipos galegos de Segunda Federación. Falamos dese deportivo coa personalidade plena de Fran Álvarez, describimos ao Espanyol, que será o seu próximo rival, e entrevistamos a Romina Dadín, técnica do At. Villalonga, que xa nos falou do equipo ante a inminente estrea: Lezama é un siio especial e esperamos a un equipo fisicamente forte, coas ideas claras de xogo e que vai ser un dos favoritos. O equipo está descontando os días para o sábado para facer un partido largo”
Falamos da Terceira, unha verdadeira incógnita no grupo galego, e escollemos para a primeira entrevista a Gabi Couñago, que ademais das mudanzas, nos falou di seu cometido: “Estarei para axudar en todos sos equipos que o necesiten, pero necesitaba desconectar do primeiro equipo e que este medre podéndome centrar noutras funcións distintas”.
