Despois do exitoso arranque do ciclo especial polo X aniversario do proxecto Guido Guía, con máis de 50 participantes por actividade, de toda Galicia e outras procedencias, o vindeiro sábado 20 de setembro terá lugar o cuarto capítulo desta famosa serie de paseos guiados do turismólogo lucense Guido Álvarez Parga.
Nesta ocasión será o turno do paseo “O Anel Verde”, onde por novena vez en seis anos os participantes rodearán a cidade de Lugo por zonas verdes, especialmente ao carón do río Miño e do río Rato.
A actividade comezará ás 10 da mañá na Ponte Romana, o prezo será de 8 € por persoa (desconto do 50% para menores de 18 anos, e gratuidade para menores de 2) e as inscricións poden facerse a través do correo electrónico guidoguiaturismo@gmail.com
