Logo dun segundo tempo no que o At. Arteixo impuxo a súa lei fronte ao Lugo B cun gol de Agulló, que era o seu segundo, e o definitivo de Otero, o partido camiñou cara ao seu remate sen moitas máis ocasións. Só aconteceu cara ao remate do encontro que o xogo volveuse máis rudo, co experimentado colexiado, Martínez Santos, tendo que sacar cartóns amarelos aos locais Queijeiro e a Iván, que curiosamente levaba moi pouco sobre o verde.
Entre ambos, xa mergullados no prolongamento, unha dura entrada de Aday na parcela do equipo local obrigouno a mostrarlle o vermello directo a un dos tres mellores goleadores do grupo. O colexiado santiagués acostuma ter moita man esquerda e salvar as súas actuacións con poucas medidas disciplinarias importantes. De feito, nesta campaña está cun cartón e medio menos que a media das mesmas por partido no grupo. Sen embargo, a gravidade da acción acabou co xogador luguista marchando aos vestiarios segundos antes do remate do choque. A acción disciplinaria foi o cartón vermello directo número 300 na fase regular galega desde que a Terceira Federación é o quinto nivel estatal. Foron necesarios 1.287 partidos para chegar a el.
Foto. La Preferente
