“Pedimos un calendario definido con previsións de execución e o Goberno responde con evasivas. Non hai datas, non hai proxectos en marcha e non hai investimento”, condenan os senadores.
Os senadores lucenses do Partido Popular -JoséManuel Barreiro, José Manuel Balseiro e Juan Serrano- lamentan que o Goberno de Pedro Sánchez “volva eludir a súa responsabilidade” coa autovía A-56 entre Lugo e Ourense e non ofreza nin un só prazo nin compromiso concreto para executar os tramos pendentes desta infraestrutura clave para o interior de Galicia.
Tras recibir a resposta do Executivo á pregunta rexistrada no Senado, os parlamentarios do PP constatan que o Goberno “limítase a dicir que os únicos tramos en servizo son os herdado de gobernos anteriores”, como os compartidos coa A-54 entre Nadela e Guntín e o tramo A Barrela-San Martiño, “pero cala sobre o resto do trazado e evita falar de obras futuras”.
“Pedimos un calendario definido con previsións de execución e o Goberno responde con evasivas. Non hai datas, non hai proxectos en marcha e non hai investimento”, condenan os senadores.
Os representantes populares lembran que “esta autovía está exactamente igual que fai oito anos, como a deixou o PP, e o único que fixo o Goberno socialista foi inaugura no ano 2020 un tramo na provincia de Ourense”. Ademais, subliñan que hai tramos como Guntín-Narón, Narón-Taboada, Taboada-Chanta e Chantada-A Barrela dos que “nin sequera informan do seu estado administrativo porque non existe absolutamente nada”.
Os populares sinalan que “estamos ante un novo desprezo á provincia de Lugo. A A-56 é vital para vertebrar o territorio, para a economía e para a seguridade viaria, e o Goberno négase a poñer datos enriba da mesa”.
Por este motivo, anuncian que seguirán insistindo no Senado para esixir un calendario oficial por tramos, compromisos orzamentarios reais e a reactivación inmediata dos proxectos paralizados.
