O grupo organizador, integrado por Xoaquín Fernández Leiceaga, Manuel López Rivadulla, Marta Lois González, Encarna Otero Cepeda, Xesús Veiga Buxán e Lourenzo Fernández Prieto, convoca aos medios de comunicación para informar sobre os detalles do recoñecemento que a cidadanía de Santiago brindará ao ex-fiscal xeral do Estado, Álvaro García Ortiz.
O obxectivo desta iniciativa é poñer en valor a súa figura non só como alto funcionario público, senón como «veciño, amigo e fiscal comprometido co medio ambiente e a memoria colectiva».
- DATA: Mañá, xoves 16 de abril.
- HORA: 12:00 horas.
- LUGAR: Café Airas Nunes (Rúa do Vilar, Santiago de Compostela).
Durante a rolda de prensa darase conta da nómina de oradores e oradoras de diversos ámbitos profesionais que participarán no acto principal, previsto para o vindeiro 23 de abril na Casa das Máquinas de Galeras.
