A iniciativa impulsada polo Concello reunirá durante tres días competicións, exhibicións e actividades deportivas para todas as idades en distintos espazos da cidade
Martes 16 de xuño de 2026.- O Concello de Lugo, a través da Concellería de Deportes, promoverá os días 26, 27 e 28 de xuño unha nova edición do “3×3 Deporte na Rúa”, unha proposta deportiva e social que converterá diferentes espazos públicos da cidade en puntos de encontro para a práctica deportiva, a convivencia e o lecer saudable
A iniciativa celebrarase coincidindo co remate do curso escolar e coa chegada do verán, co obxectivo de fomentar a actividade física, achegar o deporte á cidadanía e promover hábitos de vida saudables entre persoas de todas as idades.
O programa combinará competicións deportivas, exhibicións, actividades participativas e espazos de iniciación a distintas disciplinas, coa colaboración dos clubs e entidades deportivas da cidade, que terán un papel protagonista nesta gran festa do deporte.
As actividades desenvolveranse en diferentes puntos emblemáticos da cidade, entre eles a Horta do Seminario, a Praza da Milagrosa, a Praza Anxo Fernández Gómez e a Praza Roxa, entre outros espazos que durante esa fin de semana se transformarán en escenarios deportivos ao aire libre.
A programación incluirá tamén áreas de xogos inchables, zonas de animación e actividades dirixidas tanto á infancia e á mocidade como ás familias e persoas adultas, favorecendo a participación e a convivencia arredor do deporte.
Desde a Concellería de Deportes destacan que esta iniciativa busca reforzar o papel de Lugo como unha cidade activa, dinámica e comprometida coa promoción da práctica deportiva, ao tempo que contribúe a dinamizar os espazos públicos e a visibilizar o importante traballo que desenvolven os clubs e entidades deportivas locais.
A actividade conta coa colaboración da Xunta de Galicia e do diario La Voz de Galicia.
A Concellería de Deportes recupera o evento “3×3 Deporte na Rúa”, que regresara en na derradeira semana do mes de Xuño. O evento combinará competicións por categorías, actividades mixtas, espazos de divulgación deportiva e zonas de animación, co obxectivo de atraer á participación tanto a nenos e nenas como a mocidade e persoas adultas.
Con esta actividade o Concello pretende revitalizar o uso deportivo dos espazos públicos, impulsar ás entidades locais, fomentar a práctica deportiva e reforzar Lugo como cidade activa, dinámica e comprometida cun estilo de vida saudable.
A disputa das diferentes disciplinas deportivas estaría distribuida do seguinte xeito:
· Baloncesto 3×3 :
o Praza Roja ( Rúa Cornubia )
§ CATEGORÍA 1 (2019-2018-2017)
§ CATEGORÍA 2 (2016-2015-2014)
§ CATEGORÍA 3 (2013-2012-2011-2010)
§ CATEGORÍA 4 (de2009 en diante)
o Os equipos estarán compostos por tres, catro ou 5 xogadores/as, xogando 3 titulares
·
· Futsal 3×3 :
o Praza do Castiñeiro ( Lamas de Prado )
§ CATEGORÍA 1 (2019-2018-2017)
§ CATEGORÍA 2 (2016-2015-2014)
o Cada equipo estará composto por tres, catro ou cinco xogadores/as dos cales tres son titulares
· Volei 3×3 :
o Parque de Frigsa – Cancha Volei Praia
§ CATEGORÍA 1 (2019-2018-2017)
§ CATEGORÍA 2 (2016-2015-2014)
§ CATEGORÍA 3 (2013-2012-2011-2010)
§ CATEGORÍA 4 (2009 en adiante)
o O equipo deberá presentar un mínimo de 3 xogadores/as e un máximo de 5
