O Concello de Lugo rematou esta semana as obras de acondicionamento do campo municipal de béisbol do Ceao «Germán López Vila», atendendo as peticións dos clubs lucenses de béisbol e sóftbol.
Os traballos, coordinados pola área de Deportes tras varias reunións cos usuarios, dignifican as instalacións nesta primeira fase e garanten servizos básicos.
As actuacións concretas foron:
- Limpeza e accesos: Desbroce e limpeza integral de todo o recinto e as súas entradas.
- Vestiarios e aseos: Rehabilitación completa e posta en funcionamento destas dependencias.
Dende o Goberno municipal destacaron que a intervención cumpre o compromiso de apoiar todos os deportes da cidade, incluídos os minoritarios: «Comprometémonos a dignificar o campo do Ceao en canto asumimos a xestión das instalacións deportivas e os clubs xa teñen un apoio real e efectivo».
