A rexedora participou nas celebracións veciñais e compartiu pista de baile cos veciños e veciñas da parroquia.
A alcaldesa de Lugo, Elena Candi, participou este domingo nas festas na honra do San Román, que se celebran na parroquia de Conturiz. Nun ambiente festivo e acolledor, a rexedora sumouse ao baile e puido saudar e compartir impresións coa veciñanza que se deu cita no campo da festa.
Durante a xornada, a rexedora destacou a importancia de manter vivas as tradicións nas parroquias do rural lucense e amosou o seu agradecemento polo agarimo recibido: «É un auténtico pracer compartir esta celebración cos veciños e veciñas de Conturiz e gozar xuntos duns días tan especiais para a parroquia».
