Un motorista resultou ferido de gravidade este domingo tras sufrir unha caída cando circulaba polo lugar de O Pazo, na parroquia de Xil (Meaño). O 112 Galicia mobilizou o helicóptero de urxencias sanitarias con base en Santiago para o seu traslado hospitalario.
O suceso tivo lugar arredor das 19:45 horas, momento no que un particular alertou ao central de emerxencias do 112 Galicia. Na chamada, o aviso informaba de que un condutor caera da súa moto no lugar de O Pazo (Xil, Meaño) e que as súas lesións podías ser de carácter grave.
Segundo confirmaron os servizos de emerxencia, no accidente non se viron implicados outros vehículos.
Ante a gravidade das feridas que presentaba o condutor, o Servizo de Urxencias Sanitarias de Galicia-061 decidiu mobilizar de inmediato o helicóptero medicalizado con base en Santiago de Compostela, que se desprazou ata o lugar de Meaño para evacuar ao ferido ata o hospital de referencia.
No operativo de asistencia e seguridade viaria tamén colaboraron con rapidez:
- Os efectivos do GES de Sanxenxo.
- Axentes da Garda Civil de Tráfico.
