A edil do BNG en Lugo, Maite Ferreiro, afirmou que a programación anunciada polo goberno para o San Froilán 2026 «non cumpre coas expectativas» creadas nos últimos meses polo PP. Ferreiro afirmou que o anunciado «non conta cos grandes concertos que o PP levaba anos reclamando” e confirma que “as grandes expectativas creadas por Candia quedaron en nada”. O BNG subliña que, aínda que se manteñen certos elementos de continuidade respecto a edicións anteriores, a ausencia de nomes de gran tirada mediática e a desaparición de espazos simbólicos como A Mosqueira representan un retroceso para o tecido cultural local.
Un dos puntos máis destacados pola edil do BNG é a desaparición do escenario da Mosqueira, un espazo que, segundo Ferreiro, “estaba xa consolidada como o gran espazo das agrupacións locais, un escenario feito por e para a música saída de Lugo”. O BNG leva semanas advertindo da “perda deste espazo” no San Froilán 2026, xa que este escenario “xa non apareceu incluído na licitación dos medios técnicos para as festas”.
Ferreiro recordou que, na Comisión de Festas, o concelleiro de Cultura estivo “dando largas sobre a confirmación deste espazo”, o que xerou incerteza entre as agrupacións musicais e culturais que tradicionalmente actuaban nese recinto. A eliminación deste escenario deixa “moitas agrupacións fóra das festas”.
