Galicia despide hoxe a unha das súas figuras políticas e intelectuais máis transcendentales do último século. Xosé Manuel Beiras Torrado (Santiago de Compostela, 1936) faleceu na madrugada deste xoves aos 90 anos de idade na súa casa da Reboraina (Brión), segundo confirmaron fontes da súa contorna.
Coa súa marcha, o galeguismo perde a súa voz máis lúcida, a ese líder político de verbo afiado e cultura enciclopédica que, como ben lembraban os que o coñeceron de preto, coñecía ata a última parroquia de Galicia. Catedrático de Estrutura Económica, economista brillante e escritor, Beiras transformou para sempre o panorama político galego tras erixirse como a figura fundamental do nacionalismo contemporáneo despois de Castelao.
A súa traxectoria estivo marcada dunha oratoria vibrante no Parlamento de Galicia, onde deixou intervencións históricas para o recordo, e polo seu papel como temón do Bloque Nacionalista Galego (BNG) durante décadas, antes de fundar posteriormente Anova. Pero máis aló dos escanos e as siglas, a verdadeira patria de Beiras sempre foi a rúa, o contacto directo coa terra e o coñecemento profundo dos problemas dunha Galicia rural e urbana á que dedicou cada quilómetru da súa andaina vital e política.
Apágase a voz do intelectual incorruptible, do pensador soberanista e ecoloxista adiantado ao seu tempo que sacudiu as conciencias deste país. Galicia chora hoxe ao home que entendeu que para cambiar a política primeiro había que pateala palmo a palmo. Descansa en paz.
Foto Nós Televisión
