O locutor do programa Galicia por Diante acude a súa cita para converterse en drag queen
Alexa Evans afronta a penúltima semana entrando ao Odragoiro, esta vez cun novo convidado que é unha verdadeira estrela da radio galega. Kiko Novoa é o terceiro en afrontar o reto de Raíña-me! nesta segunda temporada. Conseguirá convertirse nunha verdadeira raíña do drag?
Esta semana asume o reto Kiko Novoa, locutor do programa Galicia por Diante na Radio Galega. Novoa, dende a primeira temporada, xa deu a coñecer a través da radio o seu desexo e intención de ir afrontar este reto da man de Alexa Evans. Este mércores, as 20:00h poderase ver o seu programa e transformación na plataforma de AGalega.gal, onde veremos como Paco Lodeiro, presentador de Atrápame se Podes, e amigo de Kiko Novoa, reacciona ao cambio en primicia. Animaráse tamén él a entrar no Odragoiro?
O novo capítulo de Raíña-me! está dispoñible o mércores ás 20:00h en AGalega. Os seguidores tamén poden atopar contido exclusivo e adiantos do episodio no perfil de Instagram do programa (@rainame.tv). Ademais, cada xoves estará dispoñible Segredos do Odragoiro, un extra en exclusiva nas redes do programa.
A semana pasada, o capítulo inundouse de risas e humor grazas á visita de Miguel Canalejo ao Odragoiro, co seu cambio e o seu cameo en Madre Casares. O programa emitiu o primeiro capítulo desta tempada o pasado mércores 5 de marzo, dispoñible na plataforma de AGalega. A apertura do novo Odragoiro viu da man de Fátima Pego, que xunto con Alexa Evans, crearon un verdadeiro hit de divas do country: ‘Corazón Deserto’, que próximamente estará dispoñible en plataformas de audio como Spotify, Apple Music, Amazon Music entre outras.
A próxima semana, como broche final da tempada, a acompañante de Alexa Evans será a xornalista, directora e presentadora galega Carlota Corredera, que estará por primeira vez na plataforma de AGalega.gal someténdose a este gran cambio.
