O Baxi Ferrol volveu a exhibirse en Europa. De menos a máis alcanzou os cen puntos, derrotou por 36 ao Ostrava, da Chequia, e fixo a chiscada á bancada coas xogadoras da casa, Baldonedo e Somorrostro, na cancha. Dúas vitorias en dous partidos, as mesmas que o próximo rival, Zaglebie Sosnowiec, fan que galegas e polacas sexan as favoritas para loitar pola primera posición do grupo K da Euro Cup.
Os rebotes ofensivos do Baxi non marcan diferenza
O partido comenzou con erros de tiro constantes. A única diferenza estivo no poder ofensivo do Baxi Ferrol, que lle permitiu segundos e até terceiros intentos para poñerse 4-0. A partir de aí o partido foi movéndose no máis alén desa distancia, con vantaxes habituais para as locais. O Baxi Ferrol continuou tendo segundos lanzamentos, pero a súa superioridade nas capturas non se traduciu no marcador.
O Baxi sube o nivel en todas as facetas
A aparición anotadora de Blanca Millán, en cinco minutos púxose como mellor anotadora do partido, e o bo traballo de intimidación de Daniels permitiron ao Baxi Ferrol dar un tirón. O cadro ferrolán creceu para conseguir maior distancia no ecuador do cuarto (30-24). Unha gravata do aro a un tiro de Squires e unha tripla de Melia clarexaron a situación.
A boa presión local levou ás checas a discutir tras perda. Foron uns minutos defensivos produtivos para Šotolová. Catro puntos seguidos de Daniels, baseados en máis defensa, puxeron ao Baxi Ferrol con dez arriba (39-29). Blanca Millán mellorou os datos con outra tripla e empataba con Daniels nas dobres cifras de puntos.
Belošević e Halátová rebaixaron a diferenza nunha fase relaxada das locais nos pases. O cuarto rematou coroando a Daniels con outra tripla no derradeiro segundo. O papel da norteamericana foi estelar, con 17 puntos no medio tempo e trece de valoración.
O aumento de ritmo beneficia ao Baxi
Ostrava tivo un aceptable inicio de segundo tempo. Logo de estar a piques de desconectarse con quince abaixo, unha tripla de Squires e unha canastra de dous de Belošević reduciron a distancia por baixo dos psicolóxicos dez cun capicúa (45-54). Joiner, “the quiet woman”, puxo as cousas no sitio con dúas triplas seguidas. Squires tomou protagonismo devolvéndollas con idéntica secuencia. A norteamericana das checas entraba en fase anotadora co terceiro acerto alén dos 6,75 no cuarto.
Os nove arriba fixeron que Lino López pedira tempo. Puido ser peor a rebaixa se Kaňová atinara dous libres. O partido ía dunha canastra a outra a un ritmo difícil de suxeitar. Joris mellorou ao Baxi Ferrol en ataque con cinco puntos seguidos. As locais escaparon de novo (68-51). O cuarto remataría cunha canastra de Sánchez-Ramos e outra de Blanca Millán. O Baxi superaba en 21 puntos ao Ostrava.
Os cen, Baldonedo e Somorrostro
Joris tomou protagonismo ao comezo do último cuarto para que Baxi Ferrol aumentara a vantaxe. O Ostrava foi esgotándose fisicamente. Ao choque só lle faltaba saber por canta diferenza gañaría o Baxi Ferrol e se tomaría la primeira posición do grupo K, tendo en conta que o Zaglebie tamén gañara ao Benfica por 73-63 en Polonia.
Erjavec anotou dúas triplas seguidas subindo a porcentaxe ao 45 por cento de acerto alén dos 6,75. Ao final, co partido que non paraba e o Baxi Ferrol achegándose aos 40, Joiner tivo que facer falta para que Baldonedo e Somorrostro tiveran case un minuto en cancha.
Blanca Millán, con 30 de valoración, foi a máis destacada do encontro, mesmo que a mellor anotadora do mesmo foi Daniels. A festa volveu á Malata co Baxi Ferrol liderando o grupo antes de visitar Polonia. Xogará contra o Zaglebie o próximo mércores (22/10), ás seis da tarde.
Ficha
MÉRCORES 15/10/2025 (20,15) Pavillón: A MALATA (1.300)
BAXI FERROL : 100 – OSTRAVA : 64 (19-17) (47-35) (72-51)
BAX : Šotolová (2), Joiner (17), Blanca Millán (16), Rodríguez (5), Daniels (19) – cinco inicial -, Sánchez-Ramos (4), Erjavec (12), Melia (8), Somorrostro (0), Baldonedo (0), Joris (17). Tre. Lino López.
OST : Kubíčková (7), Belošević (10), Halátková (4), Vacková (2), Squires (16) – cinco inicial -, Szabó (0), Nelson (12), Kaňová (2), Ewodo (6), Válková (5). Tre. Iveta Rašková.
Áribtros: Gaduel (Francia), Muho (Luxemburgo), Gilis (Bélxica).
Eliminadas: Non houbo.
Foto: Joiner protexendo o bote ante Halátková © FIBA
