Novamente chegamos a esta data do 25N con múltiples frontes abertos, cun bagaxe de asesinadas que non deixa de medrar, cos xulgados desbordados coas denuncias por violencia de xénero, e con milleiros e milleiros de mulleres que están a sofrir a doble violencia institucional, que as afasta e as abandona, cando máis precisan da súa axuda.
Resúltanos moi duro e complicado elexir unha temática ante o mar de violencias que nos asolan, máis iste ano, imos denunciar A VIOLENCIA INSTITUCIONAL, que provocan os organismos e servizos públicos, que seguindo a política de recortes e de privatización do Goberno do PP da Xunta, avocan a un servizo pésimo para as usuarias, e unhas nefastas condicións laborais para as traballadoras. en particular no SERVIZO DE AXUDA NO FOGAR (SAF), que cada día teñen que enfrontar todo tipo de situacións violentas e vexatorias, no silencio das portas pechadas dos fogares aos que acuden, e moitas veces, demasiadas, correndo graves riscos, que poden acabar coas súas vidas, como lle aconteceu hai uns meses, a Teresa, de O Porriño.
Baixo o lema: NIN FRONTEIRAS NIN PORTAS PECHADAS, VIVAS, LIBRES E ORGANIZADAS, convocamos a toda a cidadanía á MANIFESTACIÓN, que terá a súa saída dende a explanada do Edificio da XUNTA, ÁS 20.00 HORAS DO MARTES 25N. que transcorrerá dende a RONDA DA MURALLA, ate á PRAZA DE SANTA MARÍA, onde teremos todo preparado para a lectura do Manifesto.
